O conselleiro de Sanidade, Julio García Comesaña, interveu hoxe no acto do 50 aniversario da Escola universitaria de enfermería da Coruña, que, tal e como destacou o titular da carteira sanitaria, leva formadas xa a tantas promocións de enfermeiras e enfermeiros galegos. “Escolas como esta son as que posibilitan que Galicia teña un dos mellores servizos de enfermería do mundo, no que as nosas e os nosos profesionais son admirados internacionalmente pola súa excelente formación e profesionalidade”.
O mellor exemplo da potencia da enfermería galega son, -segundo sinalou Comesaña-, os resultados que as campañas de vacinación da covid e de gripe tiveron en Galicia. Así, a nosa comunidade lidera as taxas de cobertura nacionais, “un resultado que sería imposible sen a disciplina, o rigor e o traballo que o colectivo de enfermería amosou nestes anos”.
Comesaña dixo que este ano está en marcha o proceso de estabilización máis grande do Sergas que permitiu que, agora mesmo, o departamento sanitario galego oferte máis de 2.000 prazas de enfermería, cunha oposición de máis de 1.550 prazas, e un concurso de méritos de máis de 460.
Para rematar a súa intervención no acto, ao que tamén asistiron o reitor da Universidade da Coruña, Julio Abalde; o delegado territorial da Xunta, Gonzalo Trenor; e o xerente da área sanitaria da Coruña, Luis Verde, o conselleiro remarcou que “a enfermería galega está preparada para os retos que se lle están a presentar e ten iniciativa e vontade para armarse das ferramentas necesarias para os retos do futuro”.
